SIVRCE-ის პირობები არქიტექტორებისა და დიზაინერებისთვის

ხელოსნებს სპეციალიზაციით „არქიტექტორი“ ან „ინტერიერის დიზაინერი“. ცალკე ანგარიში საჭირო არ არის: იგივე კაბინეტი, იგივე შემოწმება. მოქმედებს ზოგადი პირობები და ხელოსნების პირობები (ანკეტა, შემოწმება, დავა, ვადაგადაცილება), გარდა იმისა, რაც აქ სხვაგვარადაა.

მომსახურებები: ნებართვა, ანაზომი გეგმა, გადაგეგმარების პროექტი, ინტერიერის კონცეფცია, დიზაინ-პროექტი, საავტორო ზედამხედველობა.

• კლიენტი უკვეთავს მომსახურებას — განაცხადი მიდის ამ სპეციალიზაციის რამდენიმე შემსრულებელთან (ჯერ — იმავე ქალაქიდან).
• თქვენ აგზავნით შემოთავაზებას ფასით და ვადით. არჩევამდე კლიენტის კონტაქტს და მისამართს ვერ ხედავთ.
• კლიენტი ირჩევს — თქვენ ხდებით ობიექტის მონაწილე (არქიტექტორი ან დიზაინერი).
• აბარებთ ფაილებს. კლიენტი იღებს ან აბრუნებს შენიშვნით; ახალი ვერსია ახალ სტრიქონად მოდის.
• კლიენტი ხურავს მომსახურებას, როცა რაღაც მიღებულია და გადაწყვეტილებას აღარაფერი ელოდება.

SIVRCE-ით მიღებულ შეკვეთაზე საკომისიოა არჩეული შემოთავაზების ფასის 7%. თანხა ფორმაში ჩანს შემოთავაზების გაგზავნამდე.

• ირიცხება კლიენტის მიერ შემოთავაზების არჩევისას. შემოთავაზება ფასის გარეშე საკომისიოს არ იწვევს.
• კლიენტის მიერ შემსრულებლის არჩევა საბოლოოა, ამიტომ საკომისიოს მოხსნა შეუძლია მხოლოდ ადმინისტრატორს — ახსნით.
• ანგარიშს გიწერთ, იხდით გადარიცხვით. დავა და ვადაგადაცილება — როგორც ხელოსნების პირობებში: 14 დღე გადაუხდელი და გაუსაჩივრებელი ანგარიში აჩერებს ახალ განაცხადებს.
• გამოწერა ამ განყოფილებისთვის არ არის: შემოსავალი მხოლოდ საკომისიოა.

კლიენტი გიხდით პირდაპირ. SIVRCE-ში გადახდას აღრიცხავს ერთი მხარე, მეორე ადასტურებს; შეუსაბამობა — სიტყვებით, და მას ადმინისტრატორი განიხილავს. ეს ჩანაწერები რემონტის ქვითრებისგან ცალკეა.

• საავტორო უფლება თქვენ მიერ შექმნილ ნახაზებზე, პროექტებსა და ვიზუალიზაციებზე თქვენ გრჩებათ.
• კლიენტი იღებს უფლებას, გამოიყენოს შედეგი თავისი ობიექტის რემონტისთვის — მათ შორის გადასცეს ის ხელოსანს — თუ თქვენ და კლიენტი წერილობით სხვაგვარად არ შეთანხმდებით.
• SIVRCE-ს ფაილების შენახვისა და ობიექტის მონაწილეებისთვის ჩვენების უფლებას აძლევთ — მხოლოდ სერვისის მუშაობისთვის.
• ობიექტის ფოტოს ან პროექტს პორტფოლიოში აჩვენებთ მხოლოდ კლიენტის თანხმობით და მისამართის გარეშე.

პროექტის შესაბამისობა სამშენებლო ნორმებთან და ნებართვები თქვენზეა. SIVRCE პროექტებს არ ამოწმებს.

საავტორო ზედამხედველობისთვის ხედავთ რემონტის ეტაპებსა და პროგრესს — ობიექტის ფულის გარეშე.

შეგიძლიათ კლიენტს ხელოსანი ურჩიოთ. ეს თქვენი პროფესიული აზრია — მოწვევის გადაწყვეტილებას კლიენტი თავად იღებს.

კითხვები: hello@sivrcespace.ge.