შეტყობინებები და სარეკლამო წერილები

ეს არის შეტყობინება იმაზე, რაც თქვენს ანგარიშზე ან ობიექტზე ხდება: ახალი შეთავაზება, ვიზიტი, ეტაპი მიღებისთვის, ხარჯთაღრიცხვის ცვლილება, ქვითარი, ანგარიში, შემოწმების შედეგი, მოწვევის პროგრამის ჯილდო. საფუძველი — ხელშეკრულება (პერსონალურ მონაცემთა დაცვის კანონი, მუხ. 5(1)(ბ)); ეს რეკლამა არ არის.

არხები: შეტყობინება საიტზე, ელ.ფოსტა, SMS, ტელეგრამი და WhatsApp — ბოლო ორი მხოლოდ მაშინ, თუ თავად დააკავშირეთ.

ყველაზე საჭირო (მაგ., „დაადასტურეთ ვიზიტის დრო“) შეიძლება SMS-ით მოვიდეს, თუ ელ.ფოსტა არ გაქვთ ან SMS-ზე უარი არ გითქვამთ.

• ელ.ფოსტა: ბმული „გამოწერის გაუქმება“ ყოველი წერილის ბოლოს, ან ფოსტის პროგრამის ღილაკი — ერთი დაჭერა, შესვლის გარეშე. ისევ ჩართვა — პროფილში.
• სიხშირე: პროფილში — „მაშინვე“, „დღეში ერთხელ“ ან „კვირაში ერთხელ“. სასწრაფო შეტყობინება შეჯამებას არ ელოდება.
• ტელეგრამი და WhatsApp: პროფილში — გათიშვა.
• SMS: ხელოსანს — პროფილში. კლიენტს ჯერ გადამრთველი არ აქვს — მოგვწერეთ: hello@sivrcespace.ge, და გავთიშავთ.
• სერვისულ შეტყობინებაზე უარი საიტზე შეტყობინებას არ აუქმებს: ის რჩება ზარის ხატულაში.

ამჟამად SIVRCE სარეკლამო დაგზავნას არ აკეთებს. თუ დავიწყებთ, ვიმოქმედებთ პერსონალურ მონაცემთა დაცვის კანონის მე-12 მუხლით და ელექტრონული ვაჭრობის კანონის მე-5 მუხლით:

• მხოლოდ თქვენი თანხმობით — ცალკე ველით, წინასწარ მონიშვნის გარეშე; რეგისტრაცია და სერვისი თანხმობაზე არ იქნება დამოკიდებული;
• მხოლოდ სახელი, ტელეფონი და ელ.ფოსტა; სხვა მონაცემი — მხოლოდ წერილობითი თანხმობით (მუხ. 12(2));
• თანხმობამდე და ყოველ წერილში — რომ შეგიძლიათ უარი თქვათ ნებისმიერ დროს და როგორ (მუხ. 12(3));
• უარი — იმავე არხით, რომლითაც წერილი მოვიდა, მარტივად და უფასოდ (მუხ. 12(5)–(7)); დაგზავნას ვწყვეტთ მაშინვე, არაუგვიანეს 7 სამუშაო დღისა (მუხ. 12(4));
• წერილი აშკარად სარეკლამო იქნება და აშკარად SIVRCE-ის სახელით; აქციისა და საჩუქრის პირობები — ხელმისაწვდომი (ელ. ვაჭრობის კანონი, მუხ. 5(1));
• თანხმობისა და უარის თარიღს ვინახავთ დაგზავნის განმავლობაში და მისი შეწყვეტიდან ერთი წლის განმავლობაში (მუხ. 12(9)).

ხელოსანს შეუძლია SIVRCE-ით მოგწეროთ თქვენს ობიექტზე. ეს მისი წერილია, არა ჩვენი. სარეკლამო წერილი (აქცია, ახალი მომსახურება) მას შეუძლია მხოლოდ თქვენი თანხმობით — ეს ჩვენს რეკლამის წესებშიც წერია. თუ ხელოსანი ან მაღაზია თანხმობის გარეშე რეკლამას გიგზავნით — მოგვწერეთ.

hello@sivrcespace.ge. გიპასუხებთ არაუგვიანეს 10 სამუშაო დღისა.